DC vs SRH Match Report: 5 రోజుల్లోనే ఢిల్లీపై ప్రతీకారం తీర్చుకున్న హైదరాబాద్.. 3వ విజయంతో ప్లే ఆఫ్ ఆశలు సజీవం..

ఐదు రోజుల నిరీక్షణ తర్వాత ఢిల్లీ క్యాపిటల్స్‌తో సన్‌రైజర్స్ హైదరాబాద్ ఖాతా సెటిల్ చేసుకుంది. ఐపీఎల్ 2023లో ఇరు జట్ల మధ్య జరిగిన రెండో ఎన్‌కౌంటర్‌లో 5 రోజుల్లోనే హైదరాబాద్ 9 పరుగుల తేడాతో ఢిల్లీని ఓడించింది. ఈ సీజన్‌లో హైదరాబాద్‌కు ఇది మూడో విజయం కాగా, ఢిల్లీ ఆరో మ్యాచ్‌లో ఓడిపోయింది.

సన్‌రైజర్స్ హైదరాబాద్ చాలా రోజుల తర్వాత భారీ స్కోరు సాధించింది. కానీ, బ్యాటింగ్ మరోసారి పూర్తిగా క్లిక్ కాలేదు. ఓపెనింగ్‌లో వచ్చిన యువ బ్యాట్స్‌మెన్ అభిషేక్ శర్మ అద్భుతమైన ఇన్నింగ్స్ ఆడి జట్టు భారీ స్కోరుకు పునాది వేశాడు. కేవలం 25 బంతుల్లోనే అభిషేక్ ఈ సీజన్‌లో తొలి అర్ధ సెంచరీని నమోదు చేశాడు.

ఒకవైపు అభిషేక్ పరుగులు చేస్తున్నప్పటికీ, మరోవైపు మయాంక్ అగర్వాల్, రాహుల్ త్రిపాఠి, ఐడెన్ మార్క్రామ్, హ్యారీ బ్రూక్ పెద్దగా సహకారం అందించకుండానే పెవిలియన్‌కు చేరుకున్నారు. ఇదిలావుండగా, 12వ ఓవర్‌లో అభిషేక్‌ను అక్షర్ పటేల్ అవుట్ చేయడంతో జట్టు స్కోరు 109 పరుగులకు చేరుకుంది. దీని తర్వాత హెన్రిచ్ క్లాసెన్ కూడా అభిషేక్ తరహాలో బలమైన ఇన్నింగ్స్ ఆడి జట్టును 197 పరుగులకు చేర్చాడు.

ఫామ్‌లో ఉన్న దక్షిణాఫ్రికా వికెట్ కీపర్ బ్యాట్స్‌మన్ కూడా కేవలం 25 బంతుల్లోనే తన తొలి అర్ధ సెంచరీని నమోదు చేశాడు. లోయర్ ఆర్డర్‌లో అబ్దుల్ సమద్, అకిల్ హొస్సేన్ నుంచి క్లాసెన్‌కు మంచి మద్దతు లభించింది. హైదరాబాద్ మిడిల్ ఆర్డర్‌ను ధ్వంసం చేయడంలో మిచెల్ మార్ష్ కీలక పాత్ర పోషించాడు.

ఇరుజట్ల ప్లేయింగ్ XI..

ఢిల్లీ క్యాపిటల్స్: డేవిడ్ వార్నర్ (కెప్టెన్), ఫిల్ సాల్ట్ (వికెట్ కీపర్), మిచెల్ మార్ష్, మనీష్ పాండే, ప్రియమ్ గార్గ్, అక్షర్ పటేల్, రిప్పల్ పటేల్, కుల్దీప్ యాదవ్, అన్రిచ్ నోర్త్యా, ఇషాంత్ శర్మ, ముఖేష్ కుమార్.

ఇంపాక్ట్ ప్లేయర్స్: లలిత్ యాదవ్, అభిషేక్ పోరెల్, ఖలీల్ అహ్మద్, ప్రవీణ్ దూబే, సర్ఫరాజ్ ఖాన్.

సన్‌రైజర్స్ హైదరాబాద్: హ్యారీ బ్రూక్, మయాంక్ అగర్వాల్, రాహుల్ త్రిపాఠి, ఐడెన్ మార్క్రామ్ (కెప్టెన్), హెన్రిచ్ క్లాసెన్ (వికెట్ కీపర్), అభిషేక్ శర్మ, అబ్దుల్ సమద్, అకిల్ హొస్సేన్, భువనేశ్వర్ కుమార్, మయాంక్ మార్కండే, ఉమ్రాన్ మాలిక్.

ఇంపాక్ట్ ప్లేయర్స్: వివ్రాంట్ శర్మ, మార్కో జాన్సెన్, గ్లెన్ ఫిలిప్స్, మయాంక్ డాగర్, టి నటరాజన్.

from TV9 Telugu News Latest Telugu News and Telugu Breaking News and LIVE Updates - TV9 Telugu https://ift.tt/z7LrZOf

Baca juga